कर्णाली प्रदेश

Karnali Province

नेपालको एक प्रदेश

Read in English · हिंदी में पढ़ें

कर्णाली प्रदेश ३ असोज २०७२ मा अपनाइएको नयाँ संविधानद्वारा गठित नेपालको सात सङ्घीय प्रदेशहरू मध्ये एक हो। यस प्रदेशको कुल क्षेत्रफल २७,९८४ वर्ग किलोमिटर छ, जसले गर्दा यो देशको १८.९७% क्षेत्रफल भएको नेपालको सबैभन्दा ठुलो प्रदेश हो। राष्ट्रिय जनगणना २०७८ अनुसार, यस प्रदेशको जनसङ्ख्या १६,८८,४१२ थियो। यो नेपालको सबैभन्दा कम जनसङ्ख्या भएको प्रदेश पनि हो। यो प्रदेश उत्तरमा चीनको तिब्बत स्वायत्त क्षेत्र, पूर्वमा गण्डकी प्रदेश, पश्चिममा सुदूरपश्चिम प्रदेश र दक्षिणमा लुम्बिनी प्रदेशसँग सिमाना जोडिएको छ। १,५३,८६३ जनसङ्ख्या भएको वीरेन्द्रनगर यस प्रदेशको राजधानी र सबैभन्दा ठुलो सहर दुवै हो।