अन्नपूर्ण हिमाल

Annapurna (mountain range)

पृथ्वीको दसौँ अग्लो हिमाल

Read in English · हिंदी में पढ़ें

अन्नपूर्ण हिमालय समूह हिमालयमा अवस्थित नेपालको उत्तर-मध्यमा रहेको छ। यसमा रहेको एक हिमालयको उचाई ८,००० मिटर (२६,००० फिट) रहेको छ त्यसतै यस समूहको तेह्र वटा हिमालको उचाई ७,००० मिटर (२३,००० फिट)को छ र सोह्र भन्दा अधिक हिमालको उचाई ६,००० मिटर (२०,००० फिट) रहेको छ। यो हिमालय समूह ५५ किलोमिटर (३४ माइल) लामो रहेको छ भने यसको पश्चिम भागलाई कालीगण्डकी खोंच त्यस्तै यसको उत्तर र पूर्वलाई मर्स्याङ्दी नदी तथा यसको दक्षिण भागलाई पोखरा उपत्यकाले सीमाबद्ध गरेको छ। यस हिमाल समूहको पश्चिमी अन्तमा अन्नपूर्ण अभयारण्य भनिने उच्च बेसिन रहेको छ। अन्नपूर्ण प्रथम हिमाल विश्वको दशौं अग्लो र नेपालको नवौँ अग्लो हिमाल हो, यो हिमालको उँचाई ८,०९१ मिटर (२६,५४५ फिट) रहेको छ। मानव इतिहासमा आठ हजार हिमालहरू मध्ये सर्वप्रथम अन्नपूर्ण प्रथमको सफल आरोहण भएको थियो ।