अग्नि एयर दुर्घटना २०६९ जेठ १

Agni Air Flight CHT

Read in English · हिंदी में पढ़ें

अग्नि एयरको विमान २०६९ जेठ १ मुस्ताङको जोमसोम विमानस्थलनजिकै अवतरण गर्ने क्रममा दुर्घटना भएको छ । दुर्घटनामा १५ जनाको मृत्यु भएको छ भने ६ जनालाई चिन्ताजनक अवस्थामा उद्धार गरिएको छ । पोखराबाट जोमसोमका लागि उडेको अग्नि एयरको नाइन एन एआइजी नम्बरको विमान जोमसोम विमानस्थलनजिकैको पहाडमा ठक्कर खाएर दुर्घटना भएको हो । बिहान ९.५० बजे जोमसोम विमानस्थलमा अवतरण गर्ने क्रममा अग्नि एयरको ९एन एआईजी–डी२२८ (डोरनिएर) विमान दुर्घटना हुँदा क्याप्टेन प्रभूशरण पाठकसहित १५ जनाको मृत्यु भएको थियो । मृत्यु हुनेहरुमध्ये दुई नेपाली र १३ भारतीय नागरिक रहेका छन् । नेपाल नागरिक उड्डयन प्राधिकरणका अनुसार घाइते हुनेहरूमा डेनिस नागरिकद्वय आर एन्ड्रीअस र टी इमिली, दुई भारतीय बालबालिका तिरुमाला किदाम्बी श्रीवद्र्धिनी र तिरुमाला किदाम्बी श्रीपाद तथा विमान परिचारीका रोसनी हाइजु रहेका छन् । मुस्ताङको जोमसोम विमानस्थलमा अवतरण गर्नेक्रममा मार्फा गाविस ५ को डाँडामा दाहिनेतिरको पङ्खाले छोएर अग्नि एयरको डोनियर विमान बिहान ९.५० बजे उक्त दुर्घटना भएको थियो ।