चितवन जिल्ला

Chitwan District

नेपालको एक जिल्ला

Read in English · हिंदी में पढ़ें

चितवन जिल्ला नेपालका ७७ जिल्लाहरू मध्ये एक हो। यो बागमती प्रदेशको दक्षिण पश्चिममा अवस्थित छ। यो बागमती प्रदेशका १३ जिल्लाहरू मध्ये एक हो। भरतपुर जिल्लाको सदरमुकाम तथा सबैभन्दा ठुलो सहर हुनुका साथै जिल्लाको प्रशासनिक केन्द्र समेत हो। यसले २,२३८.३९ वर्ग किलोमिटर क्षेत्रफल ओगटेको छ। बाह्रौँ राष्ट्रिय जनगणना, २०७८ अनुसार जिल्लाको क्षेत्रफल ७,१९,८५९ रहेको थियो भने यहाँ १,७९,३४५ घरधुरी रहेका थिए। भरतपुर दक्षिण मध्य नेपालको वाणिज्यिक र सेवा केन्द्र हो र यस क्षेत्रमा उच्च शिक्षा, स्वास्थ्य सेवा र यातायातको लागि प्रमुख गन्तव्य हो। यो जिल्लाको धेरैजसो भूभाग चितवन उपत्यकामा रहेको छ भने यसको उत्तरी भागमा महाभारत पर्वत शृङ्खला अवस्थित छ। भरतपुर नेपालको मध्य पश्चिम क्षेत्रको व्यापारिक नगर हो। नारायणगढ नारायणी नदीको किनारमा बसेको चितवनको अर्को ठूलो बजार हो भने अन्य ठुला बजारहरूमा मुग्लिङ, टाँडी, खैरहनी, वीरेन्द्रनगर, पर्सा भण्डारा आदी हुन्। नेपालका भित्री मधेशका जिल्लाहरू मध्ये चितवन पनि एक हो।