बनेपा नगरपालिका

Banepa

काभ्रेपलाञ्चोक जिल्लामा रहेको एक नगरपालिका

Read in English · हिंदी में पढ़ें

बनेपा नगरपालिका बागमती प्रदेशको काभ्रेपलाञ्चोक जिल्लामा अवस्थित उपत्यकाबाट नजिककोको प्रमुख वाणिज्य केन्द्र तथा नगरपालिका हो। यो सहर राजाधानी काठमाडौँबाट २६ कि.मी. पूर्व दिशामा पर्दछ। काभ्रेपलाञ्चोक जिल्लाको ६ नगरपालिकाहरू मध्येको एक हो। राष्ट्रिय जनगणना २०७८मा यहाँको जनसङ्ख्या ६७,६९० रहेको थियो र यहाँ १९५६ घरहरू थियो। हाल लगभग १६,६९८ घरधुरी रहेका छन्। बनेपा नगरपालिकामा हाल १४ वडाहरू छन्। २०७३ फागुन २७ मा, साविकको बनेपा नगरपालिकामा साविकका देवीटार (४-५), रविओपी (६-९), उग्रचण्डी नाला, टुकुचा नाला, नासिकास्थान साँगा, उग्रतारा जनागाल र महेन्द्रज्योति गाविसहरू गाभ्दै यस नगरपालिकाको क्षेत्र विस्तार गरिएको थियो। बनेपाको मुख्य आकर्षण चण्डेश्वरीको मन्दिर हो, जो रुद्रमती नदीको साथ सहरको लगभग १ कि.मी. उत्तर पूर्व स्थित छ। धनेश्वर मन्दिर सहरबाट १ कि.मी. दक्षिणमा छ। यसैगरी, बनेपा यसको भगवान गणेश, नारायणथान, भगवान नारायण, भिमसेनस्थान, भगवान गणेशको आठ विभिन्न मन्दिर र आठ विभिन्न तालाबहरूबाट परिचित छ। बनेपामा धेरै चाडपर्व मनाइन्छ, यसमा चण्डेश्वरी जात्रा, कन्या-पूजा, नवदुर्गा जात्रा(माछा समात्ने जात्रा ), गणेश जात्रा, र भिमसेन जात्रा लगायत छन।