काठमाडौँका यी स्थानमा आजदेखि कात्तिक २० गतेसम्म दैनिक साढे ५ घण्टा विद्युत् कटौती हुने (तालिकासहित)

काठमाडौँ। नेपाल विद्युत् प्राधिकरणले कुलेश्वर र बानेश्वर वितरण केन्द्रअन्तर्गतका विद्युतीय वितरण लाइन भूमिगत गर्ने कार्यका लागि काठमाडौँका विभिन्न क्षेत्रमा कात्तिक १३ गतेदेखि २० गतेसम्म दैनिक साढे ५ घण्टा विद्युत् आपूर्ति बन्द हुने जनाएको छ।

प्राधिकरणका अनुसार कात्तिक १३ देखि २० गतेसम्म बिहान १०:३० बजेदेखि अपराह्न ४:०० बजेसम्म सम्बन्धित फिडरअन्तर्गतका क्षेत्रहरूमा विद्युत् अवरुद्ध हुनेछ। भूमिगत कन्डक्टर विस्तार तथा प्रणाली सुदृढीकरणका लागि यो तालिका लागू गरिएको हो।

विद्युत् कटौती हुने क्षेत्र र तालिका:

कात्तिक १३ गते (शुक्रबार): बलम्बु, थानकोट तथा मातातीर्थ फिडरअन्तर्गत हाई भिजन कोलोनी क्षेत्र

कात्तिक १४ गते (शनिबार): सीतापाइला फिडरअन्तर्गत कलङ्की रिङरोडदेखि स्युचाटार सब-स्टेसन क्षेत्र

कात्तिक १५ गते (आइतबार): कलङ्की, थानकोट तथा रोपवे फिडरअन्तर्गत कलङ्की चोकदेखि ढुङ्गेअड्डा क्षेत्र

कात्तिक १६ गते (सोमबार): बाफल फिडरअन्तर्गत कलङ्की रिङरोडदेखि स्युचाटार सब-स्टेसन क्षेत्र

कात्तिक १७ गते (मङ्गलबार): शङ्खमूल फिडरअन्तर्गत यूएन पार्कदेखि बिजुली बजार क्षेत्र

कात्तिक १८ गते (बुधबार): सतुङ्गल फिडरअन्तर्गत धौलागिरि आवास तथा मातातीर्थ पीएसएस क्षेत्र

कात्तिक १९ गते (बिहीबार): स्युचाटार एस.एस. फिडरअन्तर्गत हाज्मा पुल क्षेत्र

कात्तिक २० गते (शुक्रबार): सतुङ्गल फिडरअन्तर्गत धौलागिरि आवास तथा मातातीर्थ पीएसएस क्षेत्र