परराष्ट्रमन्त्री खनाल र रोमानियाकी परराष्ट्रमन्त्री तोइउबीच भेटवार्ता
काठमाडौँ, १० असोजः परराष्ट्रमन्त्री शिशिर खनाल र रोमानियाकी परराष्ट्रमन्त्री ओआना-सिल्भिया तोइउबीच न्यूयोर्कमा आज द्विपक्षीय भेटवार्ता भएको छ ।
संयुक्त राष्ट्रसङ्घको ८१औँ महासभाका अवसरमा संयुक्त राष्ट्रसङ्घको मुख्यालयमा भएको साइडलाइन भेटवार्तामा उहाँहरूबीच नेपाल-रोमानिया सम्बन्ध, पारस्परिक हित तथा समयसापेक्ष अवस्थाका विविध विभिन्न विषयमा छलफल भएको परराष्ट्रमन्त्रीको सचिवालयले जनाएको छ ।
भेटमा द्वपक्षीय सहकार्यलाई थप विस्तार र सुदृढ गर्ने विषयमा उहाँहरूले विचारविमर्श गर्नुभयो । आपसी लाभका विभिन्न क्षेत्रमा सहकार्य अघि बढाउने सम्भावनाबारे पनि छलफल भएको सचिवनलयले जनाएको छ । सो अवसरमा जलवायु कार्यलगायतका क्षेत्रमा सहकार्यलाई थप प्रभावकारी बनाउनुपर्नेमा दुवै पक्षले जोड दिनुभएको थियो ।
Source: National Portal of Nepal (nepal.gov.np). DigiNepal mirrors public updates from the National Portal for easier reading and discovery. DigiNepal is an independent service and is not affiliated with, or endorsed by, the National Portal of Nepal or the offices that publish there. Always check the source for the authoritative version.