देशभर मनसुनी वायुको प्रभाव, आज विभिन्न प्रदेशमा भारी वर्षाको सम्भावना

जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर मनसुनी वायुको प्रभाव रहेको छ र मनसुनको न्यून चापीय रेखा सरदर स्थानकै आसपास अवस्थित छ। यसको प्रभावले हाल देशभर साधारणतया बदली (बादल लागेको) अवस्था छ भने कोशी, मधेश, लुम्बिनी, कर्णाली र सुदूरपश्चिम प्रदेशका थोरै स्थानहरूमा हल्कादेखि मध्यम वर्षा भइरहेको छ।

आज दिउँसोको मौसम पूर्वानुमान:

सामान्य अवस्था: देशभर साधारणतया बदली रहनेछ।

हिमाली भू-भाग: केही स्थानहरूमा मेघगर्जन र चट्याङ्गसहित मध्यम वर्षा तथा हिमपातको सम्भावना छ।

पहाडी भू-भाग: धेरै स्थानहरूमा मेघगर्जन र चट्याङ्गसहित मध्यम वर्षाको सम्भावना छ।

तराई भू-भाग: कोशी, लुम्बिनी र सुदूरपश्चिम प्रदेशका केही स्थानमा तथा मधेश, बागमती र गण्डकी प्रदेशका थोरै स्थानमा मेघगर्जन र चट्याङ्गसहित मध्यम वर्षा हुनेछ।

भारी वर्षाको अलर्ट: कोशी र बागमती प्रदेशका हिमाली तथा पहाडी भू-भाग, गण्डकी र कर्णाली प्रदेशका पहाडी भू-भाग, र लुम्बिनी प्रदेशको तराई भू-भागका एक-दुई स्थानमा भारी वर्षाको सम्भावना रहेको छ।

आज रातिको मौसम पूर्वानुमान:

सामान्य अवस्था: देशभर साधारणतया बदली रहनेछ।

पहाडी तथा हिमाली भू-भाग: कोशी, बागमती र गण्डकी प्रदेशका केही स्थानमा तथा लुुम्बिनी, कर्णाली र सुदूरपश्चिम प्रदेशका थोरै स्थानमा मेघगर्जन/चट्याङ्गसहित मध्यम वर्षा र हिमपातको सम्भावना छ।

तराई भू-भाग: देशका तराई भू-भागका थोरै स्थानहरूमा मेघगर्जन/चट्याङ्गसहित मध्यम वर्षाको सम्भावना छ।

भारी वर्षाको अलर्ट: कोशी प्रदेशको तराई भू-भागका एक-दुई स्थानमा भारी वर्षाको सम्भावना रहेको छ।

(स्रोत: जल तथा मौसम विज्ञान विभाग, मौसम पूर्वानुमान महाशाखा)