राष्ट्रिय विज्ञान, प्रविधि तथा नवप्रवर्तन परिषद्का सदस्य पदमा सिफारिस माग सम्बन्धी सूचना (सूचना प्रकाशित मिति: वि.सं. २०८३।०७।०९ )
९ कार्तिक २०८३9 Kartik 20831 PDF
Ministry of Science, Technology and Innovation
More from this departmentराष्ट्रिय विज्ञान, प्रविधि तथा नवप्रवर्तन परिषद्का सदस्य पदमा सिफारिस माग सम्बन्धी सूचना
सूचना प्रकाशित मिति: वि.सं. २०८३।०७।०९ | ने.सं. ११४६ कौलाथ्व १५
नेपालको संविधानको धारा ११४ बमोजिम “विज्ञान, प्रविधि तथा नवप्रवर्तन अध्यादेश, २०८३” जारी भएको छ। अध्यादेशको दफा ३ मा विज्ञान, प्रविधि, अनुसन्धान तथा नवप्रवर्तनको उन्नयन र विकासका लागि नीतिगत, कानूनी, संस्थागत सुधार, प्राथमिकता निर्धारण, समन्वय, सहजीकरण र स्रोत परिचालन सम्बन्धमा नीतिगत मार्गनिर्देश गर्न सम्माननीय प्रधानमन्त्रीज्यूको अध्यक्षतामा राष्ट्रिय विज्ञान, प्रविधि तथा नवप्रवर्तन परिषद् रहने व्यवस्था छ। उक्त परिषद्मा अध्यादेशको दफा ३ को उपदफा (१) खण्ड (छ) बमोजिम उपाध्यक्षको सिफारिसमा अध्यक्षले विज्ञान, प्रविधि, अनुसन्धान र नवप्रवर्तन क्षेत्रका प्राविधिज्ञ, इन्जिनियर, अनुसन्धानकर्ता, विशेषज्ञ, प्राज्ञ तथा प्रविधि, नवप्रवर्तन, उद्योग व्यवसाय क्षेत्रमा विशेष अनुभव हासिल गरेका व्यक्तिहरु मध्येबाट कम्तीमा दुई जना महिलासहित छ जना सदस्य मनोनयन गर्ने व्यवस्था रहेको छ।
उक्त व्यवस्थाबमोजिमको सदस्य मनोनयनका लागि सिफारिस गर्ने प्रयोजनार्थ विज्ञान, प्रविधि, अनुसन्धान र नवप्रवर्तन क्षेत्रका प्रतिष्ठित व्यक्ति तथा संस्थाहरुले परिषद्को सदस्य हुन योग्य र सक्षम व्यक्तिहरूलाई सिफारिस सहितको व्यक्तिगत विवरण (CV) यो सूचना प्रकाशन भएको मितिले ७ (सात) दिनभित्र यस मन्त्रालयको इमेल ठेगाना info@mosti.gov.np मार्फत उपलब्ध गराइदिनु हुन सम्बन्धित व्यक्ति तथा संस्थाहरूलाई अनुरोध सहित यो सूचना प्रकाशित गरिएको छ।

Attachments
Text extracted from the PDF
This text was extracted from the attached PDF by machine and may contain errors. The attached PDF is the authoritative version.
राष्ट्रिय विज्ञान प्रविधि तथा नवप्रवर्तन परिषदमा सदस्य सिफारि सम्बन्धी सूचना.pdf
Source: National Portal of Nepal
DigiNepal mirrors public notices for easier reading. DigiNepal is independent and is not affiliated with or endorsed by the publisher. Check the original source for the official record.
Comments are public and moderated. Don’t share phone numbers, emails or ID numbers.

No comments yet.
Sign in to react, comment or save this update.