देशका विभिन्न मुख्य राजमार्गहरू अवरुद्ध: यात्रा गर्नुअघि अवस्था बुझ्न अनुरोध
१४ कार्तिक २०८३14 Kartik 2083
Office of the Prime Minister and Council of Ministers
More from this departmentदेशका विभिन्न स्थानमा गएको बाढी तथा पहिरोका कारण मुख्य राजमार्गहरू पूर्ण रूपमा अवरुद्ध भएका छन्। नेपाल सरकार तथा सम्बन्धित निकायबाट प्राप्त ताजा विवरणअनुसार बागमती, गण्डकी र कर्णाली प्रदेशका केही महत्वपूर्ण सडक खण्डहरू यातायातका लागि बन्द रहेका छन्।
१. बागमती प्रदेश
मकवानपुर: बाढी तथा पहिरोको सम्भावित उच्च जोखिमलाई मध्यनजर गर्दै कान्तिलोकपथ सडक खण्डअन्तर्गत हेटौंडाबाट ठिङ्गन हुँदै ललितपुर जाने सडक मिति २०८३ कार्तिक १३ र १४ गते साँझ १७:०० बजेदेखि बिहान ०५:०० बजेसम्मको अवधिका लागि रात्रिकालीन समयमा पूर्ण रूपमा अवरुद्ध गरिएको छ।
काभ्रे: वि.पि. राजमार्गअन्तर्गत रोशी गाउँपालिका वडा नं. ९ पिन्थली र वडा नं. ८ गिम्दीबेँसीमा गएको पहिरोका कारण मिति २०८३ कार्तिक १४ गते बिहान ०४:४५ बजेदेखि सडक पूर्ण रूपमा अवरुद्ध भएको छ।
ललितपुर: कान्तिलोकपथअन्तर्गत बागमती गाउँपालिका वडा नं. ३ स्थित पाँदुर र तार्के क्षेत्रमा गएको पहिरोका कारण बिहान ०६:२० बजेदेखि यातायात आवागमन पूर्ण रूपमा बन्द छ।
२. गण्डकी प्रदेश
गोरखा: सोतीदेखि मान्बु जाने पुल (आरुघाट गाउँपालिका वडा नं. २, ३ र ९ नयाँपुुल) क्षेत्रमा बाढीका कारण मिति २०८३ कार्तिक २५ गते बिहान ०५:३० बजेदेखि सडक पूर्ण रूपमा अवरुद्ध रहेको छ।
मुस्ताङ: जोमसोम-कोरला सडक खण्डअन्तर्गत घरपझोङ गाउँपालिका वडा नं. ४ जोमसोम (पर्यटक चेकपोस्टबाट करिब १ कि.मि. अगाडि) पहिरो गएका कारण बिहान ०६:३० बजेदेखि पूर्ण रूपमा बन्द छ।
३. कर्णाली प्रदेश
सुर्खेत: कर्णाली राजमार्गअन्तर्गत बराहताल गाउँपालिका वडा नं. ७ औँलिसेमा गएको पहिरोका कारण बिहान ०५:४५ बजेदेखि सडक पूर्ण रूपमा अवरुद्ध भएको छ।
विशेष अपिल:
सम्बन्धित निकायले प्रभावित क्षेत्रका राजमार्गहरू खुलाउने प्रयास जारी राखेको छ। यात्रा गर्नुअघि सडकको अवस्थाबारे यकिन गरी मात्र निस्कन र अनावश्यक यात्राबाट बच्न सुरक्षा निकायले अनुरोध गरेको छ।
Source: National Portal of Nepal
DigiNepal mirrors public notices for easier reading. DigiNepal is independent and is not affiliated with or endorsed by the publisher. Check the original source for the official record.
Comments are public and moderated. Don’t share phone numbers, emails or ID numbers.
No comments yet.
Sign in to react, comment or save this update.