देशभर मौसम क्रमिक रूपमा सुधार हुँदैछ: मौसम पूर्वानुमान महाशाखा
१४ कार्तिक २०८३14 Kartik 2083
Office of the Prime Minister and Council of Ministers
More from this departmentनेपालमा असर पुर्याइरहेको चक्रवातको प्रभाव कमजोर बन्दै गएसँगै देशभरको मौसममा क्रमिक रूपमा सुधार हुँदै गएको जल तथा मौसम विज्ञान विभाग, मौसम पूर्वानुमान महाशाखाले जनाएको छ।
आज शनिबार दिउँसो एक सूचना जारी गर्दै महाशाखाले मौसममा सुधार आउँदै गरेको औपचारिक जानकारी गराएको हो। बंगालको खाडीमा विकसित ‘अर्नब’ नामक शक्तिशाली चक्रवात भारत प्रवेश गर्ने क्रममा गत बिहीबार रातिदेखि नेपालका विभिन्न भूभागमा लगातार वर्षा तथा हिमपात भइरहेको थियो।
महाशाखाकी मौसमविद् निष्ठा निरौलाका अनुसार उक्त चक्रवातको अवशेषको प्रभाव अब उल्लेखनीय रूपमा घट्दै गएको छ। शनिबार दिउँसोको विवरण अनुसार हाल कोशी र बागमती प्रदेशका थोरै स्थान तथा मधेस प्रदेशका एक-दुई स्थानमा मात्र हल्का वर्षा भइरहेको छ।
महाशाखाद्वारा जारी आधिकारिक सूचनामा भनिएको छ, "हाल कोशी, बागमती र मधेस प्रदेशमा साधारणतया बदली रही बाँकी प्रदेशमा आंशिक बदलीको अवस्था रहेको छ। समग्रमा देशभरको मौसम क्रमिक रूपमा सुधारोन्मुख छ।"
यद्यपि, केही उच्च पहाडी तथा हिमाली क्षेत्रमा अझै पनि हल्का हिमपात तथा कतिपय स्थानमा छिटपुट वर्षा जारी रहे पनि अब यसको प्रभाव थप कमजोर बन्दै जाने मौसमविद्हरूको भनाइ छ। महाशाखाले मौसमको अद्यावधिक स्थितिलाई ध्यानमा राखी आवश्यक सतर्कता अपनाउन र नियमित बुलेटिनहरू हेर्न अनुरोध गरेको छ।
Source: National Portal of Nepal
DigiNepal mirrors public notices for easier reading. DigiNepal is independent and is not affiliated with or endorsed by the publisher. Check the original source for the official record.
Comments are public and moderated. Don’t share phone numbers, emails or ID numbers.
No comments yet.
Sign in to react, comment or save this update.